သင်ရဲ့ ချစ်မြတ်နိုးစွာ အလုပ်အကျွေးပြုခြင်းဟာ ရင့်ကျက်တည်ငြိမ်သွားတာနဲ့အမျှ သင်ဟာ ဘုရားရှင် ကရိသျှ်ဏကို ပိုပြီး ပိုပြီး မြင်နိုင်ပါလိမ့်မယ်။ပြီးတော့ သင်ဟာ ပိုပြီး ပိုပြီး မြင့်မြတ်တဲ့ ဌာနေ ဝ်ရင်န္ဒာဝနရဲ့ အရည်အချင်းတွေကို ထိုးထွင်းသိမြင်ပါလိမ့်မယ်။

ဇန်နဝါရီလ (၂၈) ရက်နေ့ဟလာဒီနီအား ပေးပို့သောစာ၊ ဇန်နဝါရီလ (၂၈) ရက်နေ့၊ ၁၉၇၃ခုနှစ်။

တစ်ခုခု ရေထဲ ဒါမမဟုတ် မြစ်ထဲကို ကျသွားတယ်ဆိုပါစို့ ရေဟာ မွှေနှောက်နေတဲ့အတွက်ကြောင့် ရေထဲမှာ ရှိနေတယ်ဆိုတဲ့အရာကို ကျွန်ုပ်တို့ မမြင်နိုင်ပါဘူး။ ရေဟာ အထိုင်မကျသေးတဲ့အချိန်ထိ မတ်တပ်ရပ်ပြီး စောင့်မှပဲ အဲဒီအရာကို မြင်ရမှာပါ။ ဒါကြောင့် ကျွန်ုပ်တို့တွေရဲ့ စိတ်အားထက်သန်မှုဟာ မတည်ငြိမ်သမျှ သင့်အတွက် သင့်မြတ်တဲ့ ဘုရားကျောင်းမှာ ထိုင်ပြီးတော့ ဟရေး ကရိသျှ်ဏ ဂုဏ်တော်ကို ရွတ်ဆိုသီးကျူးတာဟာ ပို ကောင်းပါတယ်။ စိတ်ဓာတ်ကျစရာဆိုတာ မရှိပါဘူး။ အားလုံးပြီးရင်လည်း ကျွန်ုပ်တို့တွေဟာ အမှားပေါင်းများစွာကို လုပ်နေကြတာဟာ လူသားတွေရဲ့ သဘာဝပါပဲ။ အမှားလုပ်ချင်တာဟာတည်း လူသားတွေရဲ့ သဘာဝပဲ ဖြစ်တဲ့အတွက်ကြောင့် ဒါဟာ အပြစ်မဟုတ်ပါဘူး။ ဒါပေမဲ့ အဲဒီဟာကို ခေါင်းအေးအေးနဲ့ ဖြေရှင်းဖို့ ကြိုးစားအားထုတ်ပါ။

ဇန်နဝါရီလ (၂၇) ရက်နေ့က(လ်)ကတ္တား၊ ဇန်နဝါရီလ (၂၇) ရက်နေ့၊ ၁၉၇၃ခုနှစ်။

ဒီရုပ်လောကမှာ ရုန်းကန်နေရတဲ့ဘဝဟာ သစ်သားနဲ့တူပါတယ်။ တကယ်လို့ အဲဒီသစ်သားမှာ ဘုရားရှင် ကရိသျှ်ဏကို ပုံဖော်နိုင်တယ်လို့ဆိုရင် ဒါဟာ ကျွန်ုပ်တို့ ဘဝရဲ့ အောင်မြင်မှုပါပဲ။

ဇန်နဝါရီလ (၂၆) ရက်နေ့ကရိသျှ်ဏ ဒေဝီအား ပေးပို့သောစာ၊ ဇန်နဝါရီလ (၂၆) ရက်နေ့၊ ၁၉၆၈ခုနှစ်။

မြွေတစ်ကောင်ရဲ့ အဆိပ်ကို မံ(န်)သရ သို့မဟုတ် ဘယဆေးနဲ့ ကုသနိုင်ပါတယ်။ ဒါပေမဲ့ မနာလိုမရှုစိမ့်ရှိတဲ့သူကို ဘာမှလုပ်လို့မရပါဘူး။ ဒါကြောင့် အဲဒီလူဟာ မြွေးတစ်ကောင်ထက်တောင်မှ အန္တရာယ် ပိုများပါတယ်။

ဇန်နဝါရီလ (၂၅) ရက်နေ့ပူရီ၊ ဇန်နဝါရီလ (၂၅) ရက်နေ့၊ ၁၉၇၇ခုနှစ်။

ငါးနဲ့ ငါးနဲ့ပေါင်းရင် တစ်ဆယ်။ နှစ်နဲ့ နှစ်နဲ့ ပေါင်းရင် လေး။ ဒါကြောင့် ကရိသျှ်ဏ အပေါင်း အရာရာတိုင်းဟာ ဝ်ရင်န္ဒဝန ဖြစ်ပါတယ်။ ဘုရားရှင် ကရိသျှ်ဏကို မမေ့ဘူးလို့ဆိုရင် သင်ဟာ အမြဲတမ်း ဝ်ရင်န္ဒဝနမှာ ရှိနေမှာ ဖြစ်ပါတယ်။

ဇန်နဝါရီလ (၂၄) ရက်နေ့ဧကေ(န်)ဒြအား ပို့ပေးသောစာ၊ ဇန်နဝါရီလ (၂၄) ရက်နေ့၊ ၁၉၇ဝခုနှစ်။

'' ဘုရားရှင် ကရိသျှ်ဏ မိန့်ကြားတော်မူသမျှဟာ ကောင်းပြီးတော့ ကျန်တဲ့ဟာ မှန်သမျှဟာ မကောင်းပါဘူး။ ဒါပါပဲ။'' ဆရာတော်တို့ရဲ့ ဇဝေဇဝါဖြစ်မှုဟာ မရှိတော့ပါဘူး။

ဇန်နဝါရီလ (၂၃) ရက်နေ့ဘူးဝနေသျွှရ၊ ဇန်နဝါရီလ (၂၃) ရက်နေ့၊ ၁၉၇၇ခုနှစ်။

လောကုတ္တရာ လောကမှာတောင်မှ ဘုရားရှင် ကရိသျှ်ဏရဲ့ အကောင်းဆုံး ကျေနပ်နှစ်သိမ့်စေမှုအတွက် ယှဉ်ပြိုင်မှုဆိုတာ ရှိပါတယ်။

ဇန်နဝါရီလ (၂၂) ရက်နေ့ဂျနား(ရ်)ဒနအား ပေးပို့သောစာ၊ ဇန်နဝါရီလ (၂၂) ရက်နေ့၊ ၁၉၆၇ခုနှစ်။

အို၊ တကယ်လို့ ဘုရားရှင် ကရိသျှ်ဏဟာ လူတစ်ယောက်ကို သုတ်သင်ချင်တယ်လို့ဆိုရင် ဘယ်သူမှ သူ့ကို ကာကွယ်စောင့်ရှောက်ပေးလို့ မရပါဘူး။ အို၊ တကယ်လို့ ဘုရားရှင်က သူ့ကို ကာကွယ်စောင့်ရှောက်မယ်လို့ဆိုရင် ဘယ်သူမှ သူ့ကို သုတ်သင်နိုင်မှာ မဟုတ်ပါဘူး။

ဇန်နဝါရီလ (၂၁) ရက်နေ့စ(န်) ဖ်ရာ(န်)စီ(စ်)ကို၊ ဇန်နဝါရီလ (၂၁) ရက်နေ့၊ ၁၉၆၇ခုနှစ်။

ယဒီ ဝရ်ရှ မားဃေရ ရှေးသျှ၊ ဒ(န်)ဒ-ရားဂျ ပူ(ဏ်)ယ-ဒေးသျှ။ ဒီလဟာ မားဃလ ဖြစ်ပါတယ်။ ဆိုတော့ တကယ်လို့ မားဃလ ကုန်သွားတာနဲ့ မိုးအနည်းငယ်ရွာသွန်းတယ်လို့ဆိုရင် အဲဒီနိုင်ငံကို အုပ်ချုပ်တယ်ဆိုတဲ့ ဘုရင်ဟာ အလွန် ကုသိုလ်ကောင်းမှု နဲ့ မြင့်မြတ်တဲ့ဘုရင်ဆိုပြီးတော့ နားလည်သိရှိရမှာ ဖြစ်ပါတယ်။

ဇန်နဝါရီလ (၂ဝ) ရက်နေ့မာယာပူ(ရ်)၊ ဇန်နဝါရီလ (၂ဝ) ရက်နေ့၊ ၁၉၇၆ခုနှစ်။

လူလေးမျိုးလေးစား ရှိပါတယ်။ ပျင်းရိတဲ့ လူတော် ငပျင်း၊ လူတော် ငသွက်၊ ငပျင်းလူမိုက် နဲ့ သွက်တဲ့လူမိုက်တွေ ဖြစ်ကြပါတယ်။ အဲဒီထဲမှာ အတော်ဆုံးဟာ လူတော်ငပျင်း ဖြစ်ပါတယ်။ သွက်တဲ့လူမိုက်ဟာ အင်မတန်မှ အန္တရာယ် ရှိပါတယ်။

ဇန်နဝါရီလ (၁၉) ရက်နေ့ဟာဝိုင်း၊ ဇန်နဝါရီလ (၁၉) ရက်နေ့၊ ၁၉၇၄ ခုနှစ်။

ဆရာတော်ဟာ ''ဆရာတော်ပြောတဲ့အတိုင်း လိုက်လုပ်ပါလို့'' မပြောပါဘူး။ ဆရာတော်ပြောတာကတော့ '' ဘုရားရှင် ကရိသျှ်ဏ မိန့်ကြားတော်မူထားတဲ့အတိုင်း လိုက်နာဆောင်ရွက်ပါ''။ ဘုရားရှင် ကရိသျှ်ဏ မိန့်တော်မူတာကတော့ '' ငါဘုရားရှင်အား ခိုလှုံဆည်းကပ်ပါ'' ဆိုပြီးတော့ မိန့်တော်မူထားပါတယ်။ ဆရာတော် ပြောတာကတော့ '' ဘုရားရှင် ကရိသျှ်ဏကို ခိုလှုံပါလို့'' ပြောပါတယ်။ အဲဒီမှာ ခြားနားမှု တစ်ခုခု ရှိရဲ့လား။ ဆရာတော်ရဲ့ အဆင့်ကတော့ ဘုရားရှင် ကရိသျှ်ဏ မိန့်တော်မူထားတာကို ပြန်လည်ပြောပြဖို့ပဲ ဖြစ်ပါတယ်။ ''ဒီအလွန်လျှို့ဝှက်နက်နဲတဲ့ တရားတော် အကြောင်း သာသနာပြုတဲ့သူကို ဘုရားရှင်ဟာ သူရဲ့ အချစ်ဆုံး'' ဆိုပြီးတော့ မိန့်ကြားတော်မူထားတဲ့ အတွက်ကြောင့် ဖြစ်ပါတယ်။

ဇန်နဝါရီလ (၁၈) ရက်နေ့ဟာဝိုင်၊ ဇန်နဝါရီလ (၁၈) ရက်နေ့၊ ၁၉၇၁ခုနှစ်။

လိမ်လည်လှည့်ဖျားတဲ့သူတွေဟာ ဆရာရဲ့ နေရာကို ယူနေကြတဲ့အတွက်ကြောင့် ကမ္ဘာကြီး တစ်ခုလုံးဟာ ပျက်စီးနေတာ ဖြစ်ပါတယ်။ '' ကျွန်ုပ်ဟာ ဘုရားရှင်ရဲ့ သာဝက ဝတ်စုံကို ဝတ်ဆင်ပြီးတော့ တခြားသူတွေကို လိမ်လည်လှည်ဖျား နိုင်ပါတယ်။ ဒါပေမဲ့ သင်ရဲ့ တကယ် အကျင့်စာရိတ္တ နဲ့ တန်ဖိုးဟာ ဘာလဲ။ အဲဒါကို ဝေဖန်သုံးသပ်ရမှာ ဖြစ်ပါတယ်။ အဲလိုမျိုး ဝေဖန်သုံးသပ်သူကို စစ်မှန်နဲ့ ဆရာဂုရုလို့ခေါ်ပါတယ်။

ဇန်နဝါရီလ (၁၇) ရက်နေ့ဟာဝိုင်၊ ဇန်နဝါရီလ (၁၇) ရက်နေ့၊ ၁၉၇၄ခုနှစ်။

သင်ဟာ ဆန့်ကျင်ဘက် မှန်သမျှကို လုပ်ဆောင်နိုင်ပါတယ်။ ဒါပေမဲ့ ကျွန်ုပ်တို့တွေဟာ ရှေ့ဆက်သွားသင့်ပါတယ်။ သင်ဟာ ခွေးတစ်ကောင်လို ဟောင်မယ်ဆိုရင်လည်း ခရီးသွားယာဉ်ကြီးဟာ ကျော်သွားလိမ့်မှာပဲ ဖြစ်ပါတယ်။ ဒါကြောင့် ဒီအရာတွေ အားလုံးကို ဘုရားရှင် ကရိသျှ်ဏရဲ့ ကရုဏာတော်လို့ သဘောထားပြီးတော့ ပိုပြီး စိတ်အားထက်သန်စွာနဲ့ ဘုရားရှင်ရဲ့ အလုပ်အကျွေးကို လုပ်ဆောင်ပါ။ ကျွန်ုပ်တို့တွေဟာ ဘာကြောင့် ရှုံးနိမ့်ရမှာလဲ။

ဇန်နဝါရီလ (၁၆) ရက်နေ့က(လ်)ကတ္တား၊ ဇန်နဝါရီလ (၁၆) ရက်နေ့၊ ၁၉၇၇ခုနှစ်။

မာယာပူ(ရ်) ကျ(န်)ဒ်ရိုဒယ ဘုရားကျောင်းဟာ လောကုတ္တရာရဲ့ ကုလသမဂ္ဂအတွက် ဖြစ်ပါတယ်။ ကုလသမဂ္ဂက မလုပ်နိုင်ခဲ့တာကို ရှရီ ကျိတ်သံနျ မဟာပ်ရဘူး ထောက်ခံဖော်ပြထားတယ်ဆိုတဲ့ ကျင့်စဉ်နဲ့ဒီမာယာပူ(ရ်) ကျ(န်)ဒ်ရိုဒယ ဘုရားကျောင်းမှာ စွမ်းဆောင်ရရှိနိုင်ပါလိမ့်မယ်။

ဇန်နဝါရီလ (၁၅) ရက်နေ့မာယာပူရ်၊ ဇန်နဝါရီလ (၁၅) ရက်နေ့၊ ၁၉၇၆ခုနှစ်။

ဒီရုပ်လောကကမ္ဘာမှာရှိတဲ့ ချစ်ခြင်းဆိုတဲ့ ကိစ္စတွေဟာ ဘုရားရှင် ကရိသျှ်ဏ နဲ့ စစ်မှန်တဲ့ ချစ်မြတ်နိုးခြင်းရဲ့ ပုံရိပ်တွေ (ဝါ) အရိပ်တွေပဲ ဖြစ်ပါတယ်။ တကယ်လို့ သင်ဟာ ဘုရားရှင် ကရိသျှ်ဏကို ဘယ်လိုအခြေအနေမျိုးမှာမဆို ချစ်နေမယ်လို့ဆိုရင် သင်ဟာ ဘယ်တော့မှ စိတ်ပျက်ငြီးငွေ့လိမ့်မှာ မဟုတ်ပါဘူး။ ဘာကြောင့်လဲလို့ဆိုရင် ဘုရားရှင် ကရိသျှ်ဏမှာ အရာရာဟာ ထာဝရ၊ သုခချမ်းသာ၊ ဉာဏ်တော်အပေါင်းနဲ့ ပြီးပြည့်စုံတော်မူတဲ့အတွက်ကြောင့် ဖြစ်ပါတယ်။

ဇန်နဝါရီလ (၁၄) ရက်နေ့က(န်)ချ ဗလအား ပေးပို့သောစာ၊ ဇန်နဝါရီလ (၁၄) ရက်နေ့၊ ၁၉၆၈ခုနှစ်။

လောကုတ္တရာ ဆရာတော်နဲ့ ကွေကွင်းပြီးတော့ရတဲ့ ပီတိဟာ လောကုတ္တရာ ဆရာတော်နဲ့ တွေ့ဆုံပြီးတော့မှ ရတဲ့ ပီတိထက် ပိုပြီးတော့ သာလွန်ပါတယ်။

ဇန်နဝါရီလ (၁၃) ရက်နေ့ဂျဒူရားနီအား ပေးပို့သောစာ၊ ဇန်နဝါရီလ (၁၃) ရက်နေ့၊ ၁၉၆၈ခုနှစ်။

ဘ်ရဟ်မကျာရီ တစ်ယောက်က ကာမဂုဏ်ကို ထိန်းချုပ်တယ်ဆိုတဲ့ ဗြဟ်မစရိယ အကျင့်ကို ကျင့်ကြံပြီးတော့ နေထိုင်သွားတဲ့ဘဝဟာ ကောင်းမွန်ပါတယ်။ ဒါပေမဲ့ တာဝန်ရှိပြီး ချောမောလှပတဲ့ ဇနီးသည်နဲ့ နေပြီးတော့မှတောင်မှ ဗြဟ်မာစရိယ အကျင့်ကို ကျင့်ကြံရတဲ့ဘဝလိုမျိုးပဲ နေထိုင်သွားနိုင်တဲ့သူ တစ်ယောက်ဟာ ဗြဟ်မကျာရီ တစ်ယောက်ထက်တောင် ပိုပြီးသာပါတယ်။

ဇန်နဝါရီလ (၁၂) ရက်နေ့ဟ(န်)စဒူးသအား ပေးပို့သောစာ၊ ဇန်နဝါရီလ (၁၂) ရက်နေ့၊ ၁၉၆၈ခုနှစ်။

လူနှစ်ယောက် တစ်နေရာတည်းရှိတဲ့အခါတိုင်းမှာ အမြဲတမ်း နားလည်မှု တချို့ လွဲမှားတာ ရှိတဲ့အတွက်ကြောင့် ကျွန်တော်တို့တွေဟာ သေးငယ်တဲ့ အဖြစ်အပျက်တွေကို မေ့ပြီးတော့ ခွင့်လွှတ်သင့်ပါတယ်။

ဇန်နဝါရီလ (၁၁) ရက်နေ့ဂရ်ဂမူနိအား ပေးပို့့သောစာ၊ ဇန်နဝါရီလ (၁၁) ရက်နေ့၊ ၁၉၆၈ခုနှစ်။

တန်ခိုးစွမ်းအင် ကြီးမားတယ်ဆိုတဲ့ (ဟရီး-နားမ) ဘုရားရှင်ရဲ့ မြင့်မြတ်တဲ့ နာမတော်ဟာ ဘယ်လောက်ထိ တန်ခိုးစွမ်းအားကြီးမားသလဲလို့ဆိုရင် တကယ်လို့ လူတစ်ယောက်ဟာ သတိရှိပြီးတော့ပဲ ဖြစ်ဖြစ်၊ သတိမရှိဘဲနဲ့ပဲဖြစ်ဖြစ် (ဟရေး ကရိသျှ်ဏ) ကို ရွတ်ဆိုတယ်။ ရွတ်ဆိုတဲ့သူတွေဟာ ဘုရားရှင်ရဲ့ နာမတော်ကို တုပပြီးတော့ ဒါမှမဟုတ် လှောင်ပြောင်သလိုနဲ့ ဘုရားရှင် ကရိသျှ်ဏရဲ့ နာမတော်ဖြစ်တဲ့ (ဟရေး ကရိသျှ်ဏ) ကို ဘာရည်ရွယ်ချက်မှ မရှိဘဲနဲ့ ရွတ်ဆိုခဲ့တယ်ဆိုရင် အဲလိုရွတ်ဆိုခဲ့တာတွေမှာလည်း အဲဒီ နာမတော်ရဲ့ စွမ်းအင်က သက်ရောက်မှု ရှိပါတယ်။

ဇန်နဝါရီလ (၁ဝ) ရက်နေ့က(လ်)ကတ္တား၊ ဇန်နဝါရီလ (၁ဝ) ရက်နေ့။

ကျွန်ုပ်တို့တွေဟာ ကျွန်ုပ်တို့ရဲ့ မူလ ရူးပ၊ စွရူးပ၊ စွရူးပ-စီဒ္ဓီမှာ တည်တည်ငြိမ်ငြိမ် ရှိရပါမယ်၊ စွရူးပ-စီဒ္ဓီရဲ့ အဓိပ္ပာယ်ဟာ ဘုရားရှင်ရဲ့ အလုပ်အကျွေးမှာ နစြ်ုမပ်နေရမှာ ဖြစ်တယ်။ဒါဟာ စစ်မှန်တဲ့ မူ(က်)သီး (သံသရာကနေ လွတ်မြောက်ခြင်း) ဖြစ်ပါတယ်။

ဇန်နဝါရီလ (၉) ရက်နေ့ဘုံဘေ၊ ဇန်နဝါရီလ (၉) ရက်နေ့၊ ၁၉၇၃ခုနှစ်။

ကံကောင်းခြင်း မယ်တော်ဖြစ်တဲ့ လ(ချ်)မီး မယ်တော်ကို ကျ(န်)ကျလ လို့ ခေါ်ပါတယ်။ သူမဟာ တစ်နေရာတည်းမှာ မနေပါဘူး။ ဒီနေ့ လူတစ်ယောက်ဟာ အလွန်ချမ်းသာပေမယ့်လည်း သူရဲ့ နောက်ထပ်မျိုးဆက်တွေဟာ ချမ်းသာနေမှာ မဟုတ်ပါဘူး။ တကယ်လို့ သင်ဟာ တကယ် ဘာသာတရားကို ကိုင်းရှိုင်းတဲ့သူဖြစ်တယ်လို့ဆိုရင် အာရုံတွေရဲ့ ကျေနပ်မှုအတွက် ပိုက်ဆံကို မဖြုန်းတီးပါနဲ့။ အဲဒါကို ဘုရားရှင် ကရိသျှ်ဏရဲ့ အလုပ်အကျွေးအတွက် အသုံးချပါ။ တကယ်လို့ သင်ဟာ ပိုက်ဆံ အနည်းငယ် ရတယ်ဆိုရင် ဘုရားရှင် ကရိသျှ်ဏကို အနေကဇာတင်နိုင်ဖို့အတွက် လှပတဲ့ ဘုရားကျောင်း တစ်ကျောင်းကို ဆောက်လုပ်ဖို့ ကြိုးစားပါ။ ဒါဟာ သင့်မြတ်လျော်ကန်နဲ့ အသုံးချမှုပဲ ဖြစ်ပါတယ်။

ဒီဇင်ဘာလ (၂၆) ရက်နေ့ဘုံဘေမြို့၊ ဒီဇင်ဘာလ (၂၆) ရက်နေ့၊ ၁၉၇၂ ခုနှစ်။

ဒီ မဟာမံ(န်)သရ ဂုဏ်တော်ကို ရွတ်ဆိုသီကျူးတာ၊ ကခုန်တာ၊ ကျွေးမွေးတာ နဲ့ စည်းကမ်းလေးခုကို လိုက်နာတာကိုပဲ သာသနာပြုပါ။ ဒါတွေဟာ ဆရာတော်တို့ အောင်မြင်ခြင်းရဲ့ တိုင်လေးတိုင်း ဖြစ်ပါတယ်။

ဒီဇင်ဘာလ (၂၅) ရက်နေ့ကရိသျှ်ဏ ဒါးစအား ပေးပို့သောစာ၊ ဒီဇင်ဘာလ (၂၅) ရက်နေ့၊ ၁၉၆၉ ခုနှစ်။

ဘုရားရှင် ကျိတ်သံနျ မဟာပ်ရဘူးရဲ့ ဘဝဖြစ်စဉ်ထဲကနဲ့ ကျွန်ုပ်တို့ သိရှိရတာဟာ လူထုတွေကြားမှာ ကျိတ်သံနျ မဟာပ်ရဘူးဟာ ဘုရားရှင် ကရိသျှ်ဏ လီလာထဲက ဂိုးပီတွေနဲ့ လုပ်ခဲ့တဲ့ လီလာဇာတ်တော်တွေကို ဘယ်တော့မှ မဆွေးနွေးခဲ့ပါဘူး။ အဲဒီ ဇာတ်တော်တွေကို ဘုရားရှင်ရဲ့ အလွန်ရင်းနှီးတယ်ဆိုတဲ့ သာဝကကြားမှာ အလွန် လျှို့ဝှက်စွာနဲ့ပဲ ဆွေးနွေးခဲ့ပါတယ်။ ဒါကြောင့် ကျွန်ုပ်တို့ ဒီဇာတ်တော်ကို လူထုတွေကြားမှာ ပြောမယ်လို့ဆိုရင် လူထုတွေဟာ နားလည်မှု လွဲမှားနိုင်တယ်ဆိုတဲ့ အချက်ကို သတိထားသင့်ပါတယ်။ ဒါကြောင့် ကျွန်ုပ်တို့တွေဟာ ဒါမျိုးအကြောင်းအရာတွေကို လုံးဝ ကွက်ကွက်ကွင်းကွင်း မဟုတ်ဘဲနဲ့ အလွန် သတိတရားရှိစွာနဲ့ ပြောပြရမှာ ဖြစ်ပါတယ်။ အဲလိုမှမဟုတ်ရင် လူထုတွေဟာ နားလည်မှုလွဲမှားကြပါလိမ့်မယ်။

ဒီဇင်ဘာလ (၂၄) ရက်နေ့လော့(စ်) အိ(န်)ဂျလိ(စ်)၊ ဒီဇင်ဘာလ (၂၃) ရက်နေ့၊ ၁၉၆၈ ခုနှစ်။

အနုကရဏ နဲ့ အနုစရဏ ဆိုပြီးတော့ စံ(န်)စ်က်ရိသမှာ စကားလုံး နှစ်လုံး ရှိပါတယ်။ တစ်ခုရဲ့ အဓိပ္ပာယ်က အတုခိုးတာ နဲ့ နောက်တစ်ခုဟာ လျှောက်လမ်းခဲ့တဲ့ ခြေလှမ်းအတိုင်း လိုက်နာကျင့်ကြံတာ။ တကယ်လို့ လူတစ်ယောက်ဟာ ကြီးမြတ်တဲ့ ပုဂ္ဂိုလ်တွေရဲ့ လျှောက်လမ်းခဲ့တဲ့ ခြေလှမ်းအတိုင်း လိုက်နာဖို့ ကြိုးစားတာဟာ အလွန် ကောင်းမွန်ပါတယ်။ ဒါပေမဲ့ ကျွန်ုပ်တို့ဟာ တုပလို့ မရပါဘူး။ တုပခြင်းဟာ အန္တရာယ်များပါတယ်။

ဒီဇင်ဘာလ (၂၃) ရက်နေ့လော့(စ်) အိ(န်)ဂျလိ(စ်)၊ ဒီဇင်ဘာလ (၂၃) ရက်နေ့၊ ၁၉၆၈ ခုနှစ်။

လောကီသားတွေအတွက် မာယာရဲ့ ကန်ခံရခြင်းဟာ အကန့်အသတ်မရှိသလိုမျိုးဘဲ ဘုရားရှင်ကို ကျေနပ်ရောင့်ရဲစေတဲ့အခါမှာလည်း ဘယ်လောက်ထိ ကျေနပ်ရောင့်ရဲအောင်လုပ်ပြီးြ့ပီဆိုတာ မရှိပါဘူး။ ကျွန်ုပ်တို့တွေဟာ ပိုပြီး ပိုပြီး တိုးတက်သွားရမှာ ဖြစ်ပါတယ်။ ဘုရားရှင်ကို ကျေနပ်ရောင့်ရဲစေတဲ့အခါမှာ ပြီးပြည့်စုံခြင်းကို ကန့်သတ်ထားတယ်ဆိုတာ မရှိပါဘူး။

ဒီဇင်ဘာလ (၂၂) ရက်နေ့ဘလဝ(န်)သအား ပေးပို့သောစာ၊ ဒီဇင်ဘာလ (၂၂) ရက်နေ့၊ ၁၉၇၁ ခုနှစ်။

ဒီကရိသျှ်ဏ အနုဿတိ အသင်းကြီးဟာ ဘုရားရှင်ရဲ့ နူးညံ့သိမ့်မွေတဲ့ ရစ အကမှာ အမြင့်မြတ်ဆုံး ဘုရားရှင်နဲ့အတူ ပေါင်းဖော်ခွင့်ရဖို့ ရာဓား-ကရိသျှ်ဏကို ခိုလှုံဆည်းကပ်ဖို့ ဖြစ်ပါတယ်။ ကရိသျှ်ဏ အနုဿတိရဲ့ ရည်မှန်းချက်ဟာ ဒါပါပဲ။

ဒီဇင်ဘာလ (၂၁) ရက်နေ့လော့(စ်)အိ(န်)ဂျလိ(စ်)၊ ဒီဇင်ဘာလ (၂၁) ရက်နေ့၊ ၁၉၆၈ ခုနှစ်။

တကယ်လို့ လူတစ်ယောက်ဟာ ဘုရားရှင်ရဲ့ မေတ္တာတော်ကို ရသင့်ရထိုက်ဖို့ တရားဝင် အရည်အချင်း မပြည့်ဝရင်တောင်မှ ဘုရားရှင်ရဲ့ ဖြူစင်တဲ့ သာဝကတစ်ယောက်ကို ကျေနပ်ပျော်ရွှင်အောင် လုပ်နိုင်တယ်လို့ဆိုရင် အဲဒီလိုမျိုး လုပ်ဆောင်ခြင်းဟာ ဘုရားရှင်ကို ချက်ချင်းပဲ ကျေနပ်ရောင့်ရဲစေတာ ဖြစ်ပါတယ်။

ဒီဇင်ဘာလ (၂ဝ) ရက်နေ့ယေဂျ(ရ်)အား ပေးပို့သောစာ၊ ဒီဇင်ဘာလ (၂ဝ) ရက်နေ့၊ ၁၉၇ဝ ခုနှစ်။

ဘုရားရှင် ရှရီ ကရိသျှ်ဏကို ခိုလှုံဆည်းကပ်ခြင်းရဲ့ လျှို့ဝှက်ချက်ဟာ ဘုရားရှင်ကို ခိုလှုံထားတဲ့ သာဝကဟာ အရာရာတိုင်းကို ဘုရားရှင် ကရိသျှ်ဏရဲ့ အစီအစဉ်ရဲ့ အစိတ်အပိုင်းဘဲလို့ မှတ်ယူပါတယ်။ ကျွန်ုပ် လုပ်သမျှအရာ အားလုံးကို သေသေသပ်သပ်နဲ့ လုံးဝ ဂရုစိုက်ပြီးတော့ လုပ်ဆောင်ပါရစေ။ ဘယ်လို လုပ်ဆောင်မှုပဲ ဖြစ်ပါစေ အဲဒီအလုပ်မှာ တပည့်တော်ကို နစ်မြုပ်ပါရစေ။ အခြား ဆင်ခြင်စရာတွေကို မေ့လျော့ပါရစေ။ ပြီးတော့ တပည့်တော်ရဲ့ ဆန္ဒတစ်ခုတည်းဟာ ဘုရားရှင် ကရိသျှ်ဏရဲ့ ကျေနပ်ပျော်ရွှင်မှုအတွက်ပဲ အရာအားလုံးကို အကောင်းဆုံးဖြစ်အောင်လုပ်ခြင်းဟာ တပည့်တော်ရဲ့ စိတ်အားထက်သန်မှု ဖြစ်ပါတယ်။

ဒီဇင်ဘာလ (၁၉) ရက်နေ့ဂျယပသကအား ပေးပို့သောစာ၊ ဒီဇင်ဘာလ (၁၉) ရက်နေ့၊ ၁၉၇၂ ခုနှစ်။

ဆရာတော်တို့ရဲ့ ဘုရားကျောင်းတွေဟာ သဲကန္တာရကြီးတစ်ခုမှာ ရှိနေတဲ့ ပင်လယ်ကမ်းရိုးတန်းများနဲ့ တူပါတယ်။ ဒါပေမဲ့ တကယ်လို့ လူတစ်ယောက် ရုတ်တရက် ကံကောင်းသွားတယ်လို့ဆိုရင် သူဟာ အိုအေစစ်တစ်ခုကို တွေပြီးတော့ သူဘဝကို သူကယ်တင်ပါလိမ့်မယ်။ အဲဒီအတိုင်းပါပဲ ရုပ်လောကကမ္ဘာမှာ လောကုတ္တရာ တရားဉာဏ်ရဲ့ လိုအပ်ချက်ကြောင့် ကျွန်ုပ်တို့တွေဟာ မပျော်ရွှင်ဘဲနဲ့ ရှိနေကြပါတယ်။ ဆရာတော်တို့ရဲ့ အိ(စ်)ကော(န်)ဆိုတဲ့နေရာဟာ အမြိုက်ဆိုတဲ့ ပျော်ရွှင်မှုသုခချမ်းသာနဲ့ ပြည့်စုံတဲ့ဘဝကို ရှာဖွေနေကြတယ် ပျော်ရွှင်မှုကို ဆာလောင်နေတဲ့ ထိန်းချုပ်ခံဝိညာဉ်တွေကို လွတ်မြောက်ခြင်းကို ပေးသနားဖို့ ဖြစ်ပါတယ်။

ဒီဇင်ဘာလ (၁၈) ရက်နေ့ဘဂဝါး(န်)အား ပေးပို့သောစာ၊ ဒီဇင်ဘာလ (၁၈) ရက်နေ့၊ ၁၉၇ဝ ခုနှစ်။

ကျွန်ုပ်တို့ လူတိုင်းဟာ အရာရာတိုင်းကနေ ပျော်ရွှင်မှုသုခ အနည်းငယ် ရသ အနည်းငယ်ကို ရရှိဖို့ရန်အတွက် ရှာဖွေနေကြပါတယ်။ ဘုရားရှင် ကရိသျှ်ဏဟာ (ရစ-ဝိ(ဂ်)ရဟ) သုခချမ်းသာ တစ်ခုလုံးရဲ့ ဘဏ္ဍာတိုက်ကြီးကို ပြီးပြည့်စုံစွာ ကိုယ်စားပြုသူ ဖြစ်ပါတယ်။ ဘုရားရှင် ကရိသျှ်ဏ ရှိတော်မူတဲ့နေရာတိုင်းမှာ ရစ၊ လောကုတ္တရာ ရသ၊ ပျော်ရွှင်မှုသုခ ရှိပါတယ်။

ဒီဇင်ဘာလ (၁၇) ရက်နေ့စူရ(သ်)၊ ဒီဇင်ဘာလ (၁၇) ရက်နေ့၊ ၁၉၇ဝ ခုနှစ်။

လူတစ်ယောက်ဟာ ရည်ရွယ်ချက်တစ်ခုအတွက် ကောင်းနဲ့အရာတစ်ခုကနေ အလုပ်အကျွေးကို ယူနိုင်ပါတယ်။ ဒါပေမဲ့ လူတစ်ယောက်ဟာ အမြဲတမ်း စီးဆင်းနေတဲ့မြစ်ဆီသွားမယ်လို့ဆိုရင် ရေနဲ့ပက်သက်တဲ့ ရည်ရွယ်ချက်တွေ အားလုံးဟာ အဲဒီနေရာမှ ရရှိသွားမှာ ဖြစ်ပါတယ်။ ဒါကြောင့် တကယ့်လို့ သင်ဟာ ကရိသျှ်ဏ အနုဿတိကိုိ လက်ခံကျင့်သုံးမယ်လို့ဆိုရင် ကရိသျှ်ဏ အနုဿတိရဲ့ အမြဲတမ်း စီးဆင်းနေတဲ့မြစ်ထဲကနေ ကောင်းမှု အမျိုးမျိုးရဲ့ ရည်ရွယ်ချက် အကုန်လုံးဟာ ဖြည့်ဆည်းသွားမှာ ဖြစ်ပါတယ်။

ဒီဇင်ဘာလ (၁၆) ရက်နေ့လော့(စ်)အိ(န်)ဂျလိ(စ်)၊ ဒီဇင်ဘာလ (၁၆) ရက်နေ့၊ ၁၉၆၈ ခုနှစ်။

လူသားတွေဟာ အကျိုးတူ ပူးပေါင်းပြီးတော့ သာယာဝပြောခြင်း၊ မိတ်ဆွေဖြစ်ခြင်း နဲ့ ငြိမ်းချမ်းမှု ရရှိခြင်းဟာ ဘယ်လိုလုပ်ပြီးတော့ ရနိုင်မလဲဆိုတာရဲ့ အဖြေကို လိုအပ်လျက် ရှိနေကြပါတယ်။ ရှရီမဒ် ဘာဂဝသံမ်ကျမ်းဟာ ဒီလိုအပ်ချက်ကို ဖြည့်ဆည်းပေလိမ့်မှာ ဖြစ်ပါတယ်။ အဲဒီအတွက် လူအသိုင်းအဝိုင်းတစ်ခုလုံးဟာ လောကုတ္တရာ အနုဿတိပြန်လည် နိုးကြားလာနိုင်မဲ့ ယဉ်ကျေးမှုကို တင်ဆက်ပေးရမှာ ဖြစ်ပါတယ်။

ဒီဇင်ဘာလ (၁၅) ရက်နေ့ဒေလီ၊ ဒီဇင်ဘာလ (၁၅) ရက်နေ့၊ ၁၉၆၂ ခုနှစ်။

လူကြီးမင်းများခင်ဗျား၊ ကျွန်ုပ်ဟာ ရောဂါတချို့ရဲ့ ဒုက္ခဝေဒနာကို ခံစားနေရပါတယ်။ ဒါကြောင့် ဆရာဝန်ဆီကို မသွားပဲနဲ့ ဆာဓူးတစ်ပါးဆီသွားပြီးတော့ သူကို ရူပီး တစ်ရာလောက် ပေးလိုက်ရင် သူဟာ ကောင်းချီးကို ပေးလိမ့်မှာ ဖြစ်ပါတယ်။ ဒါဆို ကျွန်ုပ်ဟာ ပိုက်ဆံအများကြီး မကုန်ဘဲနဲ့ ပိုက်ဆံစုနိုင်ပါမယ်။ ကျွန်ုပ်ဟာ အဲဒီ ရောဂါကို ကုသဖို့အတွက် ထောင်နဲ့ချီတဲ့ ရူးပီငွေကို စုဆောင်းနိုင်ပါလိမ့်မယ်။ အဲဒီ ရည်ရွယ်ချက်နဲ့ လူတွေဟာ ဆာဓူးဆီသွားကြတာ ဖြစ်ပါတယ်။ ဘယ်သူမှ ကျွန်ုပ်တို့ရဲ့ နေအိမ်အမှန်ဖြစ်တဲ့ ဘုရားရှင်ရဲ့ နိုင်ငံတော်ကို ပြန်လည်သွားဖို့အတွက် ဆာဓူးဆီ သွားကြတာတော့ မဟုတ်ပါဘူး။

ဒီဇင်ဘာလ (၁၄) ရက်နေ့နယူးဒေလီ၊ ဒီဇင်ဘာလ (၁၄) ရက်နေ့၊ ၁၉၇၅ ခုနှစ်။

ဘုရားရှင်ရဲ့ အလုပ်ဟာ ယုံကြည်စွာနဲ့ ကိုးကွယ်ဆည်းကပ်တဲ့သာဝကတွေကို ကယ်တယ်ဖို့နဲ့ အသူရာတွေကို သုတ်သင်ဖို့ ဖြစ်ပါတယ်။ ဒါကြောင့် ဘုရားရှင် ဝိသျှ်ဏု သုတ်သင်ဖို့အတွက် တင်းပုတ် (ဂဒါ) ၊ ကျ(က်)ရ စကြာလက်နက် နဲ့ ကာကွယ်စောင့်ရှောက်ဖို့အတွက် ကြာပန်း၊ ခရုသင်းတော် ဆိုတဲ့ အမှတ်အသားလေးခုရဲ့ ကိုယ်စားပြုမှုများကို ကိုင်ဆောင်ထားတော်မူတာကို ကျွန်ုပ်တို့ တွေ့ရပါတယ်။

ဒီဇင်ဘာလ (၁၃) ရက်နေ့အင်ဒို(ရ်)၊ ဒီဇင်ဘာလ (၁၃) ရက်နေ့၊ ၁၉၇ဝ ခုနှစ်။

ဝိတ်ကွန်(ဏ်)ထ လောကမှာ ထောင်ပေါင်းများစွာ ချောမောလှပတဲ့ အမျိုးသမီးတွေနဲ့ ထောင်ပေါင်းများစွာ သန်မာသန်စွမ်းတဲ့သူတွေ ရှိပေမဲ့လည်း သူတို့မှာ ကာမဆန္ဒဆိုတာ မရှိပါဘူး။ သူတို့တွေဟာ ကရိသျှ်ဏ အနုဿတိ အလုပ်မှာ ဘယ်လောက်တောင် နစ်မြောနေကြသလဲလို့ဆိုရင် အဲဒီ ကာမဆန္ဒဆိုတဲ့ဘဝဟာ သူတို့အတွက် မပြောလောက်တဲ့ အရာလိုပါပဲ။ ဝိတ်ကွန်(ဏ်)ထ ဌာနေတော်မှာ ကာမဘဝဆိုတာ မရှိပါဘူး။

ဒီဇင်ဘာလ (၁၂) ရက်နေ့ဝ်ရင်န္ဒာဝန၊ ဒီဇင်ဘာလ (၁၂) ရက်နေ့၊ ၁၉၇၅ ခုနှစ်။

ကျွန်ုပ်တို့တွေဟာ ဘုရားရှင် ကရိသျှ်ဏရဲ့ ထိန်းချုပ်ခြင်းကို လက်ခံဖို့၊ လွတ်လွတ်လပ်လပ် မလုပ်ဆောင်ဖို့ အောက်မေ့သတိရလိုက်တဲ့အခါမှာပဲ ကံကောင်းခြင်းအပေါင်းဟာ အလိုအလျောက် ဖြစ်ပေါ်လာပါတယ်။

ဒီဇင်ဘာလ (၁၁) ရက်နေ့ဘ်ရဟ်မာနန္ဒအား ပေးပို့သောစာ၊ ဒီဇင်ဘာလ (၁၁) ရက်နေ့၊ ၁၉၆၈ ခုနှစ်။

ဘုရားရှင်ရဲ့ သာဝကဆိုတာဟာ အလွန် သဘောထားကြီးပြီးတော့ လူတိုင်းကို သနားကြင်နာမှု ရှိပါတယ်။ ထိန်းချုပ်ခံ ဘဝရဲ့ အခြေအနေတိုင်းမှာလည်း အမြဲ ယဉ်ကျေးသိမ့်မွေမှု ရှိပါတယ်။

ဒီဇင်ဘာလ (၁ဝ) ရက်နေ့ဟံ(မ်)စဒူသအား ပေးပို့သောစာ၊ ဒီဇင်ဘာလ (၁ဝ) ရက်နေ့၊၁၉၇၂ ခုနှစ်။

ရိုးကျိုးနှိမ့်ချစိတ် နဲ့ သည်းခံတက်တဲ့ဆိုတဲ့ ယောကျာ်လေး ဒါမှမဟုတ် မိန်းကလေးတစ်ယောက်အတွက် ဘုရားရှင် နိုင်ငံတော်ရဲ့ တံခါးဟာ ဖွင့်ထားပြီးသာ ဖြစ်ပါတယ်။

ဒီဇင်ဘာလ (၉) ရက်နေ့ဂျာနကီအား ပေးပို့သောစာ၊ ဒီဇင်ဘာလ (၉) ရက်နေ့၊ ၁၉၆၈ ခုနှစ်။

ဆရာတော်တို့ဟာ စက်ကိရိယာရဲ့ ရန်သူတွေ မဟုတ်ပါဘူး။ တကယ်လို့ အဲဒါတွေကို ဘုရားရှင် ကရိသျှ်ဏရဲ့ အလုပ်အကျွေးမှာ အသုံးပြုလို့ရနိုင်တယ်လို့ဆိုရင် ဆရာတော်တို့ဟာ အဲဒီအရာတွေကို လက်ခံကြိုဆိုပါတယ်။

ဒီဇင်ဘာလ (၈) ရက်နေ့ကီ(ရ်)သနနန္ဒအား ပေးပို့သောစာ၊ ဒီဇင်ဘာလ (၈) ရက်နေ့၊ ၁၉၆၈ ခုနှစ်။

သင်တို့ရဲ့ တိုင်ပြည်မှာ ခွေးကို ကာကွယ်စောင့်ရှောက်ပြီးတော့ နွားကို သတ်ဖြတ်ကြပါတယ်။ ခွေးဟာ ခွေးချေး နဲ့ ဆီးကို လမ်းမှာဘဲ ပါလိုက်တာကို လူတွေရဲ့ အချစ်ဆုံး သူငယ်ချင်းလို့ မှတ်ယူကြပြီးတော့ နွားရဲ့ မစင်၊သေး နဲ့ နွားနို့ အားလုံးဟာ ဖြူစင်ပေမဲ့လည်း နွားတွေကို သားသတ်ရုံကို ယူသွားပြီးတော့ အစားအစာအတွက် သတ်ပစ်ကြပါတယ်။ ဒါဟာ ဘယ်လိုမျိုး ယဉ်ကျေးမှုပါလဲ။

ဒီဇင်ဘာလ (၇) ရက်နေ့ရူးပနုဂအား ပေးပို့သောစာ၊ ဒီဇင်ဘာလ (၇) ရက်နေ့၊ ၁၉၇၅ ခုနှစ်။

ဘုရားရှင်ရဲ့ သာဝကတွေဟာ ပရ-ဒု(ဟ်)ခ-ဒူခီတွေ ဖြစ်ကြပါတယ်။ ဘုရားရှင်ရဲ့ သာဝကတစ်ယောက်ရဲ့ လက္ခဏာဟာ တခြားသူတွေ မပျော်ရွှင်တာကို မြင်ပြီးတော့ သူကိုယ်တိုင် မပျော်ရွှင်နိုင်တဲ့သူကို ခေါ်ဆိုတာ ဖြစ်ပါတယ်။

ဒီဇင်ဘာလ (၆) ရက်နေ့အ(ဟ်)မေဒဘ(ဒ်)၊ ဒီဇင်ဘာလ (၆) ရက်နေ့၊ ၁၉၇၂ ခုနှစ်။

တကယ်လို့ လူတစ်ယောက်ဟာ ''အခု ငါဟာ ဟရေး ကရိသျှ်ဏ ဂုဏ်တော်ကို ရွတ်ဆိုသီကျူးနေတယ်။ ငါဟာ အကုသိုလ်အလုပ်မှန်သမျှကို လုပ်ဆောင်နိုင်ပါတယ်ဆိုရင် ဒါဟာ ဆန့်ကျင်ဘက် ပြုလုပ်ခြင်း ဖြစ်ပြီးတော့'' ရည်ရွယ်ချက်ရှိရှိ အကုသိုလ် ဘဝ နဲ့ အမှားများ ကျူးလွန်ခြင်းဖြစ်တဲ့အတွက်ကြောင့် အဲဒီလိုမျိုး လူမိုက်ဟာ တော်တော်လေးကို အပြစ်ပေးခံရလိမ့်မှာ ဖြစ်ပါတယ်။ '' ကျွန်ုပ်ဟာ ဝ်ရင်န္ဒာဝနမှာ နေနေပါတယ်။ အို၊ ဒါဟာ ဓားမ (မြင့်မြတ်တဲ့ဌာနေ) ဖြစ်တဲ့အတွက်ကြောင့် ကျွန်ုပ် မကောင်းတာ အားလုံးကို လုပ်မယ်ဆိုရင် ဒါဟာ ဆန့်ကျင်ဘက် လုပ်ဆောင်တာ ဖြစ်သွားပါလိမ့်မယ်။'' အဲဒီလိုမျိုးလူတွေဟာ ဝ်ရင်န္ဒာဝနမှာ ရှိတယ်ဆိုတဲ့ ခွေးတွေ နဲ့ ကြောင်တွေ ဖြစ်ပါလိမ့်မယ်။

ဒီဇင်ဘာလ (၅) ရက်နေ့ဝ်ရင်န္ဒာဝန၊ ဒီဇင်ဘာလ (၅) ရက်နေ့၊ ၁၉၇၅ ခုနှစ်။

ဘုရားရှင် ကရိသျှ်ဏဟာ သင်နဲ့အတူ စကားပြောဖို့ အစဉ်သင့်ပါပဲ။ ဘုရားရှင်ဟာ ဒီလောကမှာ အရ်ကျ-မူရ်သီးအနေနဲ့ ဆင်းသက်ပွင့်တော်မူရခြင်းရဲ့ အကြောင်းရင်းဟာ သင်ဘုရားရှင်ကို ဖူးမြင်ဖို့ နဲ့ ဘုရားရှင်နဲ့အတူ စကားပြောဖို့ ဖြစ်ပါတယ်။ အခု သင်ကိုယ်သင် ပြင်ဆင်ပြီးတော့ ဘုရားရှင် ကရိသျှ်ဏနဲ့ စကားပြောဖို့ အရည်အချင်းပြည့်မှီအောင် လုပ်ပါ။ အဲဒီအခါမှ ဘုရားရှင်ဟာ အပြန်အလှန် စကားပြောမှာ ဖြစ်ပါတယ်။ ဒါဟာ ဖြစ်နိုင်ပါတယ်။

ဒီဇင်ဘာလ (၄) ရက်နေ့ဘုံဘေမြို့၊ ဒီဇင်ဘာလ (၄) ရက်နေ့၊ ၁၉၇၄ ခုနှစ်။

ဆရာတော်ဟာ ဘုရားရှင်ကို ဖူးမြင်တဲ့အတွက်ကြောင့် ဆရာတော်က ဘုရားရှင်ကို ပ်ရဆားဒံ(မ်) ဆက်ကပ်ပါတယ်။သူတို့တွေဟာ ဘုရားရှင်ကို မမြင်နိုင်တဲ့အတွက်ကြောင့် သူတို့တွေဟာ ဆရာတော်ဆီကိုလာမှ ဆရာတော်ဟာ သူတို့တွေရဲ့ မျက်စိကို ဖွင့်ပေးနိုင်မှာ ဖြစ်ပါတယ်။ မျက်စိတိမ်စွဲရောဂါများရဲ့ ဝေဒနာကြောင့် မျက်စိကန်းနေကြပါတယ်။ ဒါကြောင့် ဆရာတော်ဟာ ခွဲစိတ်ကုသမှုကို လုပ်ပေးမှပဲ သူတို့တွေဟာ မြင်ရလိမ့်မှာ ဖြစ်ပါတယ်။

ဒီဇင်ဘာလ (၃) ရက်နေ့လော(စ်)အိ(န်)ဂျလိ(စ်)၊ ဒီဇင်ဘာလ (၃) ရက်နေ့၊ ၁၉၇၃ ခုနှစ်။

ဘုရားရှင် ကရိသျှ်ဏဟာ အရာရာတိုင်းရဲ့ အရင်းအမြစ် ဖြစ်တော်မူပါတယ်။တကယ်လို့ ဘုရားရှင် ကျေနပ်ပီတိဖြစ်ရင် လူတိုင်းလည်း ကျေနပ်ပီတိ ဖြစ်ပါလိမ့်မယ်။တကယ်လို့ သင်ဟာ အမြစ်ကို ရေလောင်းမယ်လို့ဆိုရင် အဲဒီရေဟာ သစ်ပင်တစ်ပင်လုံးကို ဝေဆာသွားလိမ့်မှာ ဖြစ်ပါတယ်။ ဒါဟာ လူ့အသိုင်းအဝိုင်းတစ်ခုလုံးအတွက် အကောင်းဆုံး အလုပ်အကျွေး ဖြစ်ပါတယ်။

ဒီဇင်ဘာလ (၂) ရက်နေ့မစ္စတာ ကရ်ရှ(န်)အား ပေးပို့သောစာ၊ ဒီဇင်ဘာလ (၂)ရက်နေ့၊ ၁၉၇၆ ခုနှစ်။

ဆရာတော်တို့ဟာ နွားနို့ကို သောက်သုံးတဲ့အတွက်ကြောင့် ကျွန်ုပ်တို့တွေဟာ နွားကို ကျွန်ုပ်တို့ရဲ့ အမေလိုမျုးိ လက်ခံသင့်ပါတယ်။ ဒါဟာ ကျွန်ုပ်တို့ရဲ့ ကျင့်ဝတ် ဖြစ်ပါတယ်။

ဒီဇင်ဘာလ (၁) ရက်နေ့နယနဘီရားမအား ပေးပို့သောစာ၊ ဒီဇင်ဘာလ (၁)ရက်နေ့၊ ၁၉၇၁ ခုနှစ်။